Velkomin á vef ADVICE hópsins

Þann 9. apríl 2011 fór fram þjóðaratkvæðagreiðsla um gildi laga nr. 13/2011.

Á kjörskrá voru 232.422 kjósendur og greiddu 175.114 atkvæði. Niðurstaða talningarinnar var sú að 69.462 svöruðu því að lögin ættu að halda gildi en 103.207 að þau skyldu falla úr gildi. Ógild atkvæði voru 2.445, þar af 2.039 auðir seðlar en 406 atkvæði var ógilt af öðrum ástæðum.

Kjörsókn var 75,3% og lögunum var hafnað með 58,9% greiddra atkvæða.

ADVICE hópurinn vill koma á framfæri þakklæti til allra þeirra fjölmörgu sem lögðu lið og studdu baráttuna.

Efni: Tilkynningar |

Noregur og Lichtenstein taka undir sjónarmið Íslands

“Í gær rann út frestur til að skila skriflegum athugasemdum í Icesave-málinu. Fjögur ríki skiluðu athugasemdum til EFTA-dómstólsins: Bretland, Holland, Liechtenstein og Noregur. Noregur og Liechtenstein taka undir sjónarmið Íslands um að ríkisábyrgð á innstæðutryggingum verði ekki byggð á tilskipun um innstæðutryggingar án þess að það komi skýrt fram í tilskipuninni sjálfri.

Bretland og Holland telja hins vegar, eins og Eftirlitsstofnun EFTA, að stjórnvöldum beri samkvæmt tilskipuninnni að sjá til þess að innstæðutryggingakerfin skili þeim árangri sem að er stefnt. Jafnframt telja þau að málsástæður Íslands um óviðráðanlegar aðstæður hér í kjölfar bankahrunsins eigi ekki við.

Enginn umsagnaraðila víkur að málsástæðum Eftirlitsstofnunar EFTA um meinta mismunun innstæðueigenda.”

Heimild: Vefsíða Utanríkisráðuneytisins

Efni: Ýmislegt |

Stjórnvöld svara andsvörum ESA við málsvörn Íslands

Stjórnvöld hafa í dag sent EFTA-dómstólnum gagnsvör í Icesave-málinu. Með þeim er svarað athugasemdum Eftirlitsstofnunar EFTA (ESA) við fyrri greinargerð stjórnvalda. Þar með er lokið annarri umferð í skriflegum hluta málflutnings fyrir dómstólnum.

Málatilbúnaði ESA er algerlega vísað bug, en helstu efnisatriði svarsins eru eftirfarandi: Meira →

Efni: Almennt |

Andsvör ESA við málsvörn Íslands

Eftirlitsstofnun EFTA (ESA) hefur lagt fram andsvör við málsvörn stjórnvalda í Icesave-málinu.

Á vefsíðu Utanríkisráðuneytisins kemur fram að undirbúningur að gagnsvörum stjórnvalda sé þegar hafinn af hálfu aðalmálflytjandans og málflutningsteymisins. Miðað er við að þau verði lögð fram innan tilskilins frests 11. maí nk. að undangengnu samráði við utanríkismálanefnd.

Efni: Ýmislegt |

Stjórnvöld hafa sent EFTA dómstól bréf v. kröfu ESB um meðalgöngu

Íslensk stjórnvöld hafa nú sent EFTA dómstólnum bréf þar sem fjallað er um kröfu framkvæmdastjórnar ESB um meðalgöngu í Icesave málinu. Íslensk stjórnvöld taka ekki afstöðu til þess hvort meðalgangan skuli heimiluð eða ekki, en fela EFTA dómstólnum að skera úr um það.

Efni: Ýmislegt |

Framkvæmdastjórn ESB krefst aðildar að dómsmálinu

Framkvæmdastjórn ESB hefur óskað eftir því við EFTA dómstólinn að hafa svokallaða meðalgöngu að Icesave málinu eins og fram kemur í bréfi framkvæmdastjórnar ESB dagsettu 27. mars 2012.  Meira →

Efni: Tilkynningar |

Kostnaður við Icesave væri nú 50 ma

Hefði síðasti Icesave samningurinn verið samþykktur væri kostnaðurinn orðinn ríflega 50 milljarðar í erlendum gjaldeyri. Þetta er niðurstaða útreikninga sem fjármálafyrirtækið GAMMA vann fyrir Morgunblaðið. Í frétt mbl.is segir:

“Við þá upphæð myndu síðan bætast 28 milljarðar í vaxtagreiðslur til ársins 2015.

Heildarkostnaður vegna Icesave hefði því numið hátt í 80 milljörðum. Það er umtalsvert hærri upphæð en áætlanir stjórnvalda gerðu ráð fyrir í aðdraganda atkvæðagreiðslunnar.”

Efni: Almennt |

Stjórnvöld vísa kröfum ESA alfarið á bug

Íslensk stjórnvöld sendu í gær greinargerð sína í Icesave-málinu til EFTA-dómstólsins. Greinargerðin felur í sér viðbrögð stjórnvalda við stefnu Eftirlitsstofnunar EFTA (ESA) og leggur grunninn að málsvörn Íslands.

Málsvörn íslenskra stjórnvalda í Icesave málinu.

Stjórnvöld vísa kröfum ESA alfarið á bug og krefjast þess að EFTA dómstóllinn hafni kröfugerð stofnunarinnar.

Sjá nánar á vef Utanríkisráðuneytisins.

Efni: Tilkynningar |

Advice ályktar um fyrirsvar utanríkisráðuneytis í Icesave málinu

Advice hópurinn vekur athygli á því að ríkisstjórnin sem taldi rétt að samþykkja Icesave samningana er í þröngri stöðu  hvað varðar að halda uppi vörnum í málinu fyrir EFTA dómstólnum. Hætt er við að ríkisstjórn, sem kaus að samþykkja slaka samninga, sé hvorki sannfærð um traustan málstað Íslands, né sannfærandi frammi fyrir dómstólnum.

Draga má í efa að ríkisstjórn, sem kennd hefur verið við „afleik aldarinnar“, geti notið fyllsta trausts þjóðarinnar í málinu. Það að ganga gegn bókun meirihluta utanríkisnefndar um fyrirsvar málsins bætir ekki úr skák.

Það er afar óæskilegt að utanríkisráðherra sé ætlað forræði á aðildarviðræðum við Evrópusambandið og jafnframt að gæta hagsmuna Íslands í Icesave málinu. Skorað er á ríkisstjórnina að endurskoða þá ákvörðun.

Að lokum vill Advice hópurinn árétta mikilvægi þess að vörnin verði tekin föstum tökum. Það verður ekki gert án þess að teflt verði fram færustu sérfræðingum. Einnig má ekki vanrækja að kynna málstað Íslands fyrir erlendum fjölmiðlum og álitsgjöfum.

Efni: Tilkynningar |

Gallar innistæðutryggingakerfis ESB

Í desemberhefti tímaritsins Þjóðmál fjallar Ragnar F. Ólafsson um gallana á innistæðutryggingakerfi Evrópusambandsins. Ragnar, sem er meðlimur í InDefence hópnum, færir rök fyrir því að það hafi ekki verið séríslenskir gallar á innistæðutryggingakerfinu sem leiddu til þess að TIF sjóðurinn gat ekki staðið í skilum. Meira →

Efni: Greinar, Lögfræði |

Ræða Efnahags- og viðskiptaráðherra í Alþingi v. ESA

Virðulegi forseti. Eftirlitsstofnun EFTA hefur tilkynnt að hún hafi komist að þeirri niðurstöðu að stefna beri Íslandi fyrir EFTA-dómstólinn vegna Icesave-málsins svonefnda. Eins og þingheimi er kunnugt hefur málið verið fyrir Eftirlitsstofnuninni frá því að hún sendi íslenskum stjórnvöldum bréf í maí 2010 þess efnis að hún teldi að íslensk stjórnvöld hefðu vanefnt skyldur sínar samkvæmt EES-samningnum. Meira →

Efni: Greinar | Tög: , ,